Записи с меткой: Людмила Соколова-Озамбай

Книган премьера

  Людмила Лазеревна Соколова-Озамбай, чолга почеламутчо да поро айдеме, пургыж тылзын 18 кечынже кугу чон пайремжым палемда.
  Шочмо кечыже вашеш Людмила Лазеревна, У Торъял рӱдӧ книгагудын таратымыже почеш, творческий вашлиймашыш толаш келшыш.
  Вашлиймаш интервью семын эртаралте. Людмилан шукерте огыл «Пелганде йӱд» поэтический сборникже лектын да тиде вашлиймаш сборникжын премьераже семын эртыш.
  Поэтический сборникышкыже поэме, муро ден почеламут-влак пуреныт. Автор сылнымутыштыжо илыш йогынын тӱрлӧ шӧранан улмыжым палдара, лудшыеҥым вигак сымыстара.
  Людмила Лазеревнам шокшын-шокшын шочмо кечыденже саламлена, тазалыкым да пиалым, шуко сеҥымашым тыланена. Вес гана вашлиймешке!