Записи с меткой: Староторъяльская библиотека №2

Уло мыйын шонымаш… (Анна Яшметова — мари поэт)

Уло мыйын шонымаш…

 Уло мыйын шонымаш:

 Кум памаш шинчам муаш.

Чывылталт тушан лекташ,

Юзо ӱдырак лияш.   (А. Яшметова)

 

      Пагалыме лудшо йолташем!  Мый тыланда Анна Яшметован почеламут корнылажым лудаш темлем. Тиде поро айдеме дене Тошто Торъял книгагудышто вашлийынна. Книгам лудаш йӧрата, «Ончыко» журналым эре эскерен шога, а почеламутым изинекак воза. Ынде ме тудын дене умбакыжат ваш келшен, сылнымут аланыште тыршаш тӱҥалына. Тӱҥалме пашаже тӱвыргӧ лиеш манын, ӱшанен кодына. (Ю.И.Соболева, Тошто Торъял книгагудын пашаеҥ).

Сирень пеледышем

Ялыште сирень пеледме годым

Тольо мый декем йӧратымаш.

Ах, кушеч гын муын мыйым шошым,

Вигак лие мыйын пӱрымаш. Подробнее

Тек туням пеледыш леведеш…

  Шошо кечылан куанен, икымше классыште тунемше ӱдыр-влак  изи кидышт дене салфетке гычын тӱрлӧ-тӱрлӧ пеледышым ышташ  кумыланыч. Йоча-влак  шке кундемнан моторлыкшым, сӧрал пӱртӱсшым, поянлыкшым, яндар канде кавам мокталтен каласкален пуышт. Тидыжым нуно чылан книгам лудмо гычын пален шогат. Кузе от куане, кунам тыйым йырым-йыр мотор пеледыш авалта. Поро паша дене илаш, пӱртӱс дене келшаш, кундемнам аралаш, умбакыжат сӧрастарен шогаш манын, ик ойышко шуна.Эн чолга ӱдыр, Басова Софья (писатель Геннадий Михайлович Пироговын тукым уныкаже) книга деке моткоч шӱман, муралтенат пуа, сӱретлаш пеш мастар, кид-йолжо чылалан толеш.

  Урок деч вара, кажне кечын гай, книгагудышко вашка, мом гынат уым пален налаш тырша, мастарлыкым пога. «Тек тӱням пеледыш леведеш!», шыргыжалын пелештыш, мотор чурийыштыже куан тул чӱкталте. А ме, кугурак-влак, нунылан ӱшанена, кертме семын полшен шогена.

Землякна дене кугешнена

 Рия-рия  шӱвыржым, кӧ шокталтен, кӧ каен?  Шӱвыр мутым колмек, вигак шинча ончылно Марий Элын  эн тале, кумдан палыме шӱвырзыжӧ, Тошто Торъялын уста эргыже Георгий Максимович Пушкин сӱретлалтеш. Ноябрь мучаште тудлан 110 ий теме,  лӱмешыже Тошто Торъял книгагудо  пелен пайрем касым эртарышна. Подробнее

Йӧратем мый шочмо верым!

Йӧратем мый шочмо верым,

Тыште куанен илем.

Йӧратем эше ялемым,

Лишыл Тошто Торъялем…

    Теве тыгай почеламут корнылам возен Виталий Яндыганов, а кызыт тудо мурыш савырнен, радио дене йоҥгалтеш. Подробнее

Кугече — волгыдо кече!

  «Кугече — волгыдо кече» —  тыгай вуймут дене Тошто Торъял книгагудо пелен вашлиймашым Юмын Аван Казанский  иконыжо лӱмеш селасе черке  пашаеҥже —  Соколова Людмила Федоровна дене  эртаралтын. Вашлиймашке  шымше класс йоча- влак толыныт. Подробнее

Майя Романова — марийский соловей

Мурызын пиалже — калыкын йӧратымаште

 90 ий ончыч 23 март 1927 ийыште Тошто Торъял селаште  йӧратымашыже мотор чурийвылышан, шӱшпык йӱкан, поро шӱм-чонан  Майя Тимофеевна Романова ош тӱняшке толын. Артист лияш  пӱралтынак улмаш, пӱртӱс тудлан сылне йӱкым пӧлеклен, изинек мураш йӧратен. Школышто тунеммыж годым, ик концертат тудын деч посна эртен огыл. Школым тунем пытармек, Йошкар-Олаш пединститутыш толеш. Кок ий тунемеш да умыла, тудын илышыже  —  сцена. Тыге тудо Шкетан театрыште 42 ий жапыште 100 утла образым чоҥен. Нунын кокла гыч – Олюк (Н. Арбанын «Кенеж йӱд»), Салика (С.Николаевын «Салика»), «Ачийжат- авийжат» спектакльыште – Маюкым, комедийлаштат тӱрлӧ рольым  модын. Таклан огыл тудлан  МАССР да РСФСР-ын сулло артист лӱмым пуэныт.    Подробнее

Будущие избиратели

«Молодая смена избирателей должна быть подготовленной»,- так считает заведующая Староторъяльской библиотекой Соболева Юлия Ивановна. В библиотеку приглашаются учащиеся старших классов Староторъяльской школы для проведения соответствующих мероприятий. Подробнее.

В Елембаевской библиотеке также активно проводятся мероприятия по подготовке молодых избирателей. Проведена беседа «Ты — будущий избиратель!»