Йӧратем мый шочмо верым!

Йӧратем мый шочмо верым,

Тыште куанен илем.

Йӧратем эше ялемым,

Лишыл Тошто Торъялем…

    Теве тыгай почеламут корнылам возен Виталий Яндыганов, а кызыт тудо мурыш савырнен, радио дене йоҥгалтеш.

   Шке кундемжым,пӱртӱсшым ,чыла чонаным йӧратымыж нерген вес мастар еҥна – Анатолий Никитин шке сӱретше гочын почын пуыш. Тудын сӱретыштыже могай гына пеледыш уке, могай гына кайыкше, пушеҥге, чылажат кумылым нӧлта,чоным куандара.

  Тений экологий идалык . Меат  кумшо классыште  тунемше йоча –влак дене книгагудо пелен художникын сӱретше- влакым ончыкташ шонен пыштышна, шкенжымат тиде вашлиймашке ӱжна. Тудо  шуко ой – каҥашым пуыш, а эн тӱҥжӧ пӱртӱсым ужын мошташ, шижаш, аклаш, йӧраташ туныктыш. Сӱретче  творческий шӱлышыжым сылнымут аланыштат муын, йоча-влакланат икмыняр почеламутшым лудын ончыктыш. Тыштат пӱртӱс деке шӱманмыжым шижаш лиеш.

Нимат огыл йӱр йӱреш,

Шыже тыге лишемеш.

Йӱреш, мушкылтын вола,

Тыге шыже вел шортеш.

Нимат огыл, тек мардеж,

 Йышт да йошт  ӱштеш.

 Нӧрта чап- чап мландым чарныде,

Тыге шыже телым вашлиеш.

Нимат огыл, чыла чыталтеш,

Шыжын койышыжак тыгай,

Чарак уке нимогай,

Илышат тыгак шолеш.

  Мотор сӱретше дене, поро кумылжо дене, Анатолий йоча-влакым шке велкыже савырале. Нунын  шинчаштышт  весела кумыл чӱкталте, сылне вер-шӧрнам, мотор кундемнам сӱретлаш кумылышт шочо.

                                                       Ю.И.Соболева, Тошто Торъял книгагудо пашаеҥ