Кугече — волгыдо кече!

  «Кугече — волгыдо кече» —  тыгай вуймут дене Тошто Торъял книгагудо пелен вашлиймашым Юмын Аван Казанский  иконыжо лӱмеш селасе черке  пашаеҥже —  Соколова Людмила Федоровна дене  эртаралтын. Вашлиймашке  шымше класс йоча- влак толыныт.

  Кугече кече –Христосын ылыж кынелме кечыже, тыге радамлен ойлыш Людмила Федоровна.Тиде волгыдо пайремлан кузе ямдылалташ,  кузе шкендым черкыште  кучаш, молан тушко кошташ кӱлешлыкшым радамын каласкален пуыш. Тунемше –влак черке нерген шке  шонымыштым,тургыжланыше йодышым кажныже кагазеш возен пуышт.Умбакыжат тыгай вашлиймашын кӱлешлыкшым, юмо нерген шукырак пален шогаш, чоным почын каласышт.

 Ме чыланат  Кугече пайремым волгыдо шонымаш дене, поро паша дене вашлияш ямдылалтына.

 Ю.И.Соболева Тошто Торъял книгагудо вуйлатыше.