Майя Романова — марийский соловей

Мурызын пиалже — калыкын йӧратымаште

 90 ий ончыч 23 март 1927 ийыште Тошто Торъял селаште  йӧратымашыже мотор чурийвылышан, шӱшпык йӱкан, поро шӱм-чонан  Майя Тимофеевна Романова ош тӱняшке толын. Артист лияш  пӱралтынак улмаш, пӱртӱс тудлан сылне йӱкым пӧлеклен, изинек мураш йӧратен. Школышто тунеммыж годым, ик концертат тудын деч посна эртен огыл. Школым тунем пытармек, Йошкар-Олаш пединститутыш толеш. Кок ий тунемеш да умыла, тудын илышыже  —  сцена. Тыге тудо Шкетан театрыште 42 ий жапыште 100 утла образым чоҥен. Нунын кокла гыч – Олюк (Н. Арбанын «Кенеж йӱд»), Салика (С.Николаевын «Салика»), «Ачийжат- авийжат» спектакльыште – Маюкым, комедийлаштат тӱрлӧ рольым  модын. Таклан огыл тудлан  МАССР да РСФСР-ын сулло артист лӱмым пуэныт.   

 Майя Романова сылне йӱкшӧ дене ойыртемалтын, садлан тудым «марий шӱшпык» маныныт. Тошто Торъял тӱвыра полатыште тудын  лӱмеш 24 мартыште шарнымаш кас эртаралтын. Тиде пайремышке Шкетан  драмтеатр гычын артист-влак толыныт, родо, пошкудыжо лийыныт. У Торъял землячествым вуйлатыше В.А. Наумов да тулеч молат лийыныт. Чуксола гыч артист-влак Майя Романова лӱмеш возымо «Торъял ӱдыр» мурым йонгалтарышт, а Альбина Пашина шке аважын шарнымашыж гычын шуко оҥайым каласкалыш (аваж дене Майя йолташ удыр лийыныт).Сцена гыч «Почтальонка», «Индеш шагатлан», «Ший шергащ», «Снеге пеледеш» муро-влак йоҥгышт. Книгагудо пелен мурызо, артистке нерген выставке-обзорым ыштыме, фотоальбомым погымо, журнал-влакым ончыктымо. Верысе калыклан пеш келшен тиде вашлиймаш.

  Ме Майя Тимофеевна дене кугешнена, порын шарнен илена, тудын лыжга мурыжо, оҥгыр гай йӱкшӧ чоныштына кодеш.

                                            Ю.И.Соболева, Тошто Торъял книгагудын вуйлатышыже