Ко дню народного единства

  Кылме тылзын шымше кечынже Чуксола книгагудо шке помышышкыжо шуко уна–влакым поген. «Первый май» колхозын Совет ветеранже-влак («Поро кумыл» клуб) шке декыже унала Тошто Торъял Совет ветеран член-влакым ӱжын. Тиде мероприятий Совет ветеранын планже почеш ышталтын. А.А. Пашина «Линия Сталина» нерген кӱчыкын каласкалыш. Л.И. Соколова 4 ноябрь пайрем кече нерген палдарен кодыш.

  Л. Н Матвеева «Первый май» колхозын ончычсо председательже–влак, орденоносец–влак нерген пеш сайын каласкалыш.  Ме огыл гын, кӧ нунын нерген шарнаш тӱналеш манын, палемдыш.

Весела вашлиймаш

Изображение 1 из 3

  Вара пайрем ӱстелтӧрыш шинчын,  муро-влакымат йоҥгалтарышна, тӱрлӧ модыш–влак денат модын нална, Тошто Торъял уна–шамыч мыланна чапле концертым ончыктышт. Вашлиймаш касна пеш веселан да пайдалын эртыш. Тыгай вашлиймашыш эше Кузнеч Совет ветеран член-влакым ушаш кутырен келшышна.

  Тачысе кече дене пайдаланен, А.А. Пашиналан кугу таум каласыме шуэш. Тудо чыла сценарийым келыштараш полшен, шкеак вашлиймаш касым вӱден, ӱстел чесым ямдылен, шокшо кочкышымат шолтен конден. Тыгак Л.Н. Матвеева чот ямдылалтын, калыкым пайрем касыш чумырен, шокшо кочкышымат шолтен конден. А эн кугу таум каласыме шуэш «Первый Май» колхозын председательже А.А. Новиковлан. Тудо ӱстембал тич кочкышым наледаш спонсорский полышым ыштен. Тек те чыланат эре таза лийыда да ӱмырда кужу лиеш.